Jumat, 27 September 2013
Medalaken barang-barang ingkang wonten ing griyanipun supados slamet. |
KARANGANYAR, KEBUMEN - Kalawingi dinten Kemis ndalu, 26
September 2013, antawisipun pukul 23.00 WIB, PI swalayan kebakaran. Wekdal
sakmenika Pak Triyono (52) lan kaluwarganipun
saweg tilem wonten griyanipun. Griyanipun Pak Triyono menika wonten wingking
tembok persis saking PI swalayan. Miturut warga sekitar kebakaran kasebat amargi
wonten arus pendhek listrik. Arus pendhek kasebat asalipun saking kulkas buah (freezer) ingkang wonten ing swalayan ing
Jalan Revolusi Karanganyar kasebat.
Pak Triyono
piyambak ngaku menawi nembe mangertosi kebakaran menika pukul 23.30 amargi warga
sanes menika nggedhor-gedhor pintu griyanipun lan ngabari menawi wonten kebakaran ing ngajeng PI swalayan. Mangertosi kabar kasebat, Pak Triyono
langsung nggigah garwanipun lan tigang putranipun. Saklajengipun, sedaya langsung
mlayu ing papan kebakaran kasebat.
Bapak
tigang putra menika khawatir menawi griyanipun menika kenging geni. Pak Triyono
panik sanget, lajeng medalaken barang-barang ingkang wonten ing griyanipun
supados slamet kanthi dipunbantu warga sekitar. Pak Triyono sakulawarga trauma,
awit kedadosan kasebat, amargi ngraos meh mawon kecalan nyawa ugi harta benda. Raos trauma ugi amargi kedadosan
kebakaran PI swalayan kasebat.
Kebakaran ing PI Swalayan wanci ndalu. |
Saklajengipun,
wonten ugi Pak Hendrayani (45) minangka petugas keamanan PI swalayan
nyariosaken menawi kebakaran kadadosan bibar para karyawan wangsul lan sedaya
pintu sampun kekunci sedaya. Pak Hendrayani ingkang ugi dados warga Kelurahan
Plarangan Karanganyar Kebumen menika mirengaken swara kados mercon lan ketingal
wonten geni saking lebetipun swalayan. Lajeng, Pak Hendrayani mateni geni
kanthi Alat Pemadaman Api Ringan (APAR).
Untung
mawon wonten karyawan My Chicken PI swalayan, inggih menika wonten Rakimin
(48), Wiji Astuti (41), Yuni (35), Sugeng (43), lan Ragil (45). Sedayanipun
mateni geni kanthi nyemprotaken APAR. Ananging usaha kasebat boten kasih,
amargi geninipun cepet dados ageng lan nyebar ing PI swalayan.
Sedaya
panik, menapa malih kathah tiyang ingkang medal saking griyanipun kangge
ningali kebakaranipun PI swalayan ing wanci ndalu kasebat. Wonten ugi warga
ingkang mbiyantu sarta lapor dhateng pemadam
kebakaran BPBD Kebumen lan Mapolsek Karanganyar.
Rasa
trauma ugi dipunraosaken dening Mbak Tresmi (32), salah sawijining karyawati
Apotik Karanganyar ingkang lokasinipun ing sisih wetan PI swalayan. Sanajan
apotik papan kerjanipun mbak Tresmi menika boten kenging geni, Jumat (27/9)
sore, boten bikak. Sedaya bagian tembokipun menika panas, amargi kenging geni,
saengga nyebabaken suhu ing lebet apotik menika dados panas. Obat-obat langsung
dipunangkut medal saking apotik, supados boten ngirangi kualitasipun obat
kasebat.
Kebakaran ing PI swalayan menika ugi nyebabaken macet ing margi ngajengipun, Jalan Raya
Karanganyar. Kathah tiyang ingkang ningali ing pinggir margi, menika ingkang
nyebabaken macet. Saking Polres Kebumen lan Polsek Karanganyar mbiyantu kangge
ngatur lalulintas kanthi sistem buka-tutup. Listrik ing papan menika ugi
dipunpateni dening PLN. Geni tambah ageng, sanajan jawah.
Ketingal
wonten Mobil ingkang Nabrak Warga
Ing
swasana macet kasebat, ketingal wonten mobil avansa werni cemeng saking kilen
menika banter lajeng nrempet warga ingkang saweg nonton kebakaran ing pinggir
margi PI swalayan. Mobil kasebat malah minggat. Warga duka, lajeng mburu mobil
kasebat ngangge motor. Mobil avansa menika lajeng mlebet saluran irigasi,
amargi panik lan ugi ing daerah PI swalayan listrik mati.
Wanci enjing ing PI Swalayan. |
Tidak ada komentar:
Posting Komentar