|
Kula |
Nami kula Happy Januar
Rosemarlina, biasanipun kanca-kanca nimbali kula kanthi nami Happy. Kula menika
estri. Kula lair ing Purbalingga tanggal 1 Januari 1993. Kula lare mbajeng,
adhik kula setunggal, jaler, naminipun Adhika Purnama. Adhik kula samenika
taksih sekolah ing SMA N 1 Pejagoan, kelas kalih. Tiyang sepuh kula
inggih menika Bapak Suroso saha Ibu Murniyati. Bapak kula ngasto ing Kejaksaan
Negeri Kebumen, bapak menika idola kula. Piyambakipun sayang
sanget kaliyan kulawarga, bapak ingkang tanggel jawab. Menawi ibu kula menika
wonten griya kemawon. Senajan ibu kula wonten ing griya kemawon, nanging wonten
kagiatan inggih menika dagang. Wonten griya kula ugi wonten warung sembakau.
Piyambakipun menika ugi ibu ingkang sayang sanget kaliyan kulawarga. Ibu
kula menika tiyang ingkang sabar sanget. Pramila, ibu kula menika segalanya.
|
ibu, adhik, saha bapak kula (2008) |
Kula rumiyin miwiti
sekolah wonten ing TK Putra II Kebumen taun 1998. Kula sekolah TK wonten mriku
amargi caket kaliyan kantoripun bapak. Rumiyin wekdal kula TK, sareng kaliyan
putranipun kanca kantor bapak kula, Ion naminipun. Piyambakipun menika tiyang
Kalimantan. Menawi pangkat sekolah, mesthi sareng dipunsebrangaken saking
kantor dumugi TK. Salajengipun kula sekolah ing MIN Tanuraksan taun 1999,
sekolahipun menika caket saking griya kula, nanging kelas 2 kula pindhah ing
SDN 2 Kutosari taun 2000. Kula nglajengaken sekolah ing SMP N 1 Kebumen taun
2005 saha SMA N 2 Kebumen taun 2008.
SMA-nipun kula ugi caket saking griya kula. Alhamdulillah saking TK
dumugi SMA, kula ing Kebumen mawon.
Ananging kuliah samenika
kula kuliah ing Yogyakarta, inggih menika ing Universitas Negeri Yogyakarta
(UNY), jurusanipun Pendidikan Bahasa Daerah, FBS. Kula mlebet kuliah taun 2011,
mawi tes. Rumiyin, wekdal kula SMA kelas 3, sejatosipun nggadhahi
pepenginan dados guru Matematika utawi guru SD. Dados guru menika, pepenginan
kula piyambak. Wekdal kula sekolah ing SD, kula sampun penging dados guru,
nanging guru SD.
Kula samenika ngekos ing
Demangan Baru. Rumiyin awit kula semester 1, kula ngekos ing Jalan Kaliurang,
ing dalemipun kanca bapak kula. Wiwit semester 2, kula sampun ngekos ing
Demangan Baru ngantos samenika.
Kula nggadhahi motto
hidup “Bismillah, Saged!!”. Miturut kula ndonga menika minangka panggayut
dhumateng Gusti Allah. Motto menika nggadhahi teges, supados tetep optimis.
Tidak ada komentar:
Posting Komentar