Blangkon menika
salah satunggaling busana khas Jawi ingkang limrahipun dipunginakake minangka
panutup mustaka kagem para kakung, saking para tiyang kerajaan, bangsawan,
dumugi para andhap ing jaman kerajaan Jawi dumugi ing jaman kolonial Walandi.
Ing jaman sakmenika, blangkon dados lambang kagem para kakung ing Jawi.
Sajatosipun, blangkon menika wonten filosofinipun saking tiyang Jawi,
mliginipun Jawi-Islam. Ananging, samenika sampun boten mekaten.
Fenomena sakmenika ingkang kadadosan ing
masyarakat menika, mliginipun tiyang Jawi ingkang notabene inggih menika ngginakaken blangkon. Jaman sakmenika kathah
ingkang boten remen ngginakaken blangkon. Kathah tiyang ingkang manut ingkang
langkung populer. Sakmenika blangkong
dipunanggep “kuna”. Blangkon sakmenika namung dipunginakaken ing
adicara-adicara tartamtu, kadosta ing adicara pawiwahan utawi adicara festival ingkang ngginakaken tema tradisional. Miturut tiyang-tiyang
samenika, menapa malih tiyang enem jaman samenika, ngginakaken blangkon menika
sami kaliyan tiyang ingkang jadul.
Ananging,
kathah tiyang mancanagari ingkang remen ngginakaken blangkon. Kadosta artis-artis saking Korea Selatan
ingkang ngginakaken blangkon wanci tampil ing panggung (konser). Boyband saking
Korea Selatan ingkang konser ing
Jakarta wanci 12 dumugi 13 Oktober 2012, G-Dragon nglebetaken gambaripun wonten ing internet kanthi ngginakaken busana
barong saha sarung. Menawi Taeyang kanthi ngginakaken busana bathik saha sarung
ugi nyepeng suling. Kakalihipun menika ngginakaken blangkon. Ing twitter-ipun menika ugi nyerat “Haha It’s so cute!! :) thanks Jakarta!! See
u tommo!!” 
Kathah
tuladha sanes ingkang gayut kaliyan blangkon saha tiyang mancanagari. Tiyang
Korea mawon remen ngginakaken blangkon. Tiyang Korea mawon remen kaliyan
kabudayan Indonesia, mliginipun Jawi. Lha, kenging menapa kula saha panjenengan
sami malah boten remen, utawi istilah-ipun
ogah-ogahan kaliyan kabudayan
piyambak.
Kapethik saking: http://ghulamalaufa.wordpress.com
http://entertainment.kompas.com
(Happy Januar
Rosemarlina)
Tidak ada komentar:
Posting Komentar