Kula [Happy Januar Rosemarlina NIM 11205244006 Kelas B] (AUTOBIOGRAFI)

Kula

Nami kula Happy Januar Rosemarlina, biasanipun kanca-kanca nimbali kula kanthi nami Happy. Kula menika estri. Kula lair ing Purbalingga tanggal 1 Januari 1993. Kula lare mbajeng, adhik kula setunggal, jaler, naminipun Adhika Purnama. Adhik kula samenika taksih sekolah ing SMA N 1 Pejagoan, kelas kalih. Tiyang sepuh kula inggih menika Bapak Suroso saha Ibu Murniyati. Bapak kula ngasto ing Kejaksaan Negeri Kebumen, bapak menika idola kula.
Piyambakipun sayang sanget kaliyan kulawarga, bapak ingkang tanggel jawab. Menawi ibu kula menika wonten griya kemawon. Senajan ibu kula wonten ing griya kemawon, nanging wonten kagiatan inggih menika dagang. Wonten griya kula ugi wonten warung sembakau. Piyambakipun menika ugi

Ibu Sod Pengusaha saha Pengrajin Bathik (PROFIL WIRAUSAHA)

Ibu Sod Pengusaha saha Pengrajin Bathik

Ibu Sod saha Mbak Nur mbathik

Ibu Sodiyah miyos ing Kebumen, 11 Maret 1951 menika kagungan jiwa wirausaha saking alit. Piyambakipun langkung kondhang kanthi sebutan Ibu Sod. Piyambakipun rumiyin dados juragan bathik, saking taun 70-an. Ibu Sod dagang bathik ing peken. Wonten dalemipun, piyambakipun menika kagungan pekerja kathah. Ananging, samenika piyambakipun damel bathik piyambak dipunbantu dening putrinipun ingkang kaping sekawan. Ibu Sod kagungan putra gangsal, inggih Mas Degeng, Mbak Pingah, Mbak Asroh, Mbak Nur, saha Mas Munir. Sedayanipun sampun nggadhahi kulawarga piyambak. Ingkang mbiyantu Ibu Sod mbathik ing

Sangaluri Park, Pubalingga (FEATURE WISATA)

Pintu Masuk Sanggaluri Park

Menawi ing Yogyakarta wonten Taman Pintar, ing Purbalingga menika wonten Sanggaluri Park. Sanggaluri Park inggih menika salah satunggaling objek wisata ingkang woten ing Jl. Raya Kutasari, Kabupaten Purbalingga, Jawa Tengah, caket kaliyan Owabong (Objek Wisata Air Bojongsari).

Pengalaman Numpak Sepedha Pisanan (CERITA PENGALAMAN)

Margi Jemur Clowok

Ing sawijining dinten, wekdal kula remen-remenipun numpak sepedha. Ing wekdal menika, kula nembe pisanan numpak sepedha tebih. Saderengipun paling namung ing komplek griyanipun kula.

Perkedel Tahu (WACANA PROSEDURAL)

Perkedel Tahu

Perkedel tahu menika raosipun eca sanget, ndamelipun nggih gampil. Dhaharan menika sami kaliyan perkedel kenthang, nanging perkedel menika saking tahu. Perkedel tahu menika kalebet camilan, nanging ugi saged kangge lawuh dhahar. Menapa malih menawi taksih anget, tambah eca. caranipun ndamel perkedel tahu menika kalebet gampil, mangga dipunsemak, supados saged nggoreng piyambak wonten griya.

Puding Kopi (WACANA PROSEDURAL)

Puding Kopi

Bahanipun:
- 1 bungkus ager-ager
- 100 gram gula pasir
- 500 ml toya
- 1 sendhok ageng kopi
- 3 sendhok ageng susu
- Freshcream, dipunkocok sacekapipun
- 1/2 sendhok alit coffe flavour
- Hiasan soklat

Nyobi Blangkon (ARTIKEL BUDAYA)

Blangkon menika salah satunggaling busana khas Jawi ingkang limrahipun dipunginakake minangka panutup mustaka kagem para kakung, saking para tiyang kerajaan, bangsawan, dumugi para andhap ing jaman kerajaan Jawi dumugi ing jaman kolonial Walandi. Ing jaman sakmenika, blangkon dados lambang kagem para kakung ing Jawi. Sajatosipun, blangkon menika wonten filosofinipun saking tiyang Jawi, mliginipun Jawi-Islam. Ananging, samenika sampun boten mekaten.

Saking Tembung Mandhapa, Dados Pendhapa Minangka Sikep Sosial Tiyang Jawi (ARTIKEL BUDAYA)

Pendapa Omah Loring Pasar

Para pamireng temtu sampun sami pirsa, pendhapa menika menapa. Pendhapa inggih menika wewangunan ingkang limrah dipunbangun ing sangajengipun dalem utami. Menawi mirsani saking situs Wikipedia, tembung pendhapa inggih menika saking tembung basa Sansekerta mandhapa. Ingkang nggadhahi teges minangka wewangunan tambahan. Amargi pendhapa limrahipun menika dipunbangun ing sangajengipun wewangunan utami utawi dalem. Wewangunan modhel pendhapa menika boten namung wonten ing wewangunan Jawi, nanging ugi wonten ing wewangunan adat Kalimantan, Sumatera, Bali ugi wonten ing Semenanjung Malaya utawi Indhochina.

Kang Muspra (GEGURITAN)

 

Anggonku tresna marang sliramu

Wis kadhung lara ing atiku

Atiku sing kaorak-abrik iku

Kaobong, nanging gumuyumu

Tansah kelingan neng angen-angenku

Jaman iki Wis Tuwa Banget (GEGURITAN)

Ngger, anakku

Jaman iki wis tuwa

Kabudayan wis rontang-ranting

Mung kari crita

Dhuwit Limang Ewu (CERKAK)

Esuk-esuk Simi mangkat menyang kampus mung arep ngumpulake tugas. Saka kos, Simi durung nyarap, dadi luwe. Untung wae ana bakul bakwan kawi neng ngarepan Pendhapa Tedja. “Pak, bakwan kawine setunggal, goreng sedaya!” Simi ngomong marang bakul bakwan kawi. “Oke mbak” semaur bakule. Banjur, Simi ngetokake dhuwit seket ewu seka sak kathok dhawa kothak-kothak.

Dhuh Gusti (CERKAK)

Awan kuwi langite mendhung, gludhug gumleger kaya nyigar bumi. Simi cepet-cepet pengen mulih, wedi kudanen. Dumadakan ana trek papagan karo Simi. Truke ngebut.

“Ciiiiiiittt…. Bruuugg….!!!” Mung kuwi sing dirungu. Simi banjur ora sadhar. Mbukak mripat, dheweke wis ana ing rumah sakit.

“Dhuh gusti… Ya allah… Aku neng rumah sakit.”

Ingkungan Syuran Banyumudal ing Kebumen (ARTIKEL BUDAYA)

Adicara dipunwiwiti kanthi kirab ingkung lan tumpeng ing Balai Desa utawi Kelurahan Panjer.

Taun Masehi menika ing saben taunipun ing tanggal 1 Januari, ananging Taun Hijriyah menika ing tanggal 1 Muharram lan Taun Jawa ing tanggal 1 Syura. Taun Jawa inggih menika sami kaliyan Taun Hijriyah. Bentenipun menika ing naminipun.

SEMAR

Semar ing basa Jawa dipunsebut Badranoyo

Bedrodo = Mbangun sarana saking ngandhap

Noyo = Nayoko = Utusan mangrasul

Semar

Tegesipun: Ngemban sipat mbangun lan nindakaken parentahipun Gusti kangge pagesangan manungsa.

Desa Tenganan, Desa Bali Aga (FEATURE)

Pemerintah Kabupaten Karangasem, Kecamatan Manggis

Wisata wonten ing Bali menika kathah papan ingkang saged rumaosaken wujud ingkang unik. Ing Bali wonten desa ingkang taksih njagi adat kina, inggih menika desa Tenganan. Desa Tenganan menika papanipun wonten ing Kecamatan Manggis, Kabupaten Karangasem. Miturut Bli Wayan minangka tour guide, desa Tenganan menika kinten-kinten 70 km saking kutha Denpasar.

Bibar Pusaka Indah Swalayan Kebakaran, Warga Trauma (NEWS FEATURE)

Jumat, 27 September 2013

   

Medalaken barang-barang ingkang wonten ing griyanipun supados slamet.

      KARANGANYAR, KEBUMEN -  Kalawingi dinten Kemis ndalu, 26 September 2013, antawisipun pukul 23.00 WIB, PI swalayan kebakaran. Wekdal sakmenika Pak Triyono (52)  lan kaluwarganipun saweg tilem wonten griyanipun. Griyanipun Pak Triyono menika wonten wingking tembok persis saking PI swalayan. Miturut warga sekitar kebakaran kasebat amargi wonten arus pendhek listrik. Arus pendhek kasebat asalipun saking kulkas buah (freezer) ingkang wonten ing swalayan ing Jalan Revolusi Karanganyar kasebat.

Parkir ing Pinggir Margi, Truk Ical (STRAIGHT NEWS)

Kamis, 26 September 2013

Parkir Truk ing pinggir margi.

            KEBUMEN – Truk diesel kagunganipun Pak Agus Subekti, pengusaha gendeng MS Sokka Kebumen digondhol maling. Malingipun menika nggondhol truk ingkang nggadhahi nomer polisi G 1760 AG ingkang parkir wonten pinggir margi raya Kebulusan Kecamatan Pejagoan, Kabupaten Kebumen ing sisih kilen pintu kreta.